दोषी समय

आज मानिस सबथोक भएको छ! कल्पनाले भ्याए सम्मको सबै कुरा प्राप्त गरेको छ उस्ले, आफ्नो बनाउन सफल भएको छ उ ! तर बिडम्बना , त्यही मानिसले अर्को मानिसलाई नै आफ्नो बनाउन सकेका छैनन, धेरैले! 

कोही हाकिम भएका छन, कोइ नेता, कोइ गुरु, ब्यापारी तर उ भित्रको मानिस चै बाँकी रहेन अब! आफ्नो ओरिजिनालिटी र आफ्नो प्रिस्ठभुमिको अस्तित्वलाई नै ओझेल पार्ने गरी हासिल गरेको उपलब्धीको मुल्य कती ? चार बर्ष पढेर इन्जिनियर भाको छ , पाँच बर्ष पढेर डक्टर , १२-१५ महिनाको तालिमले पाइलट् , ब्यान्कर, टिचर, बैज्ञानीक अनी अरु के के हो ! कुनै डिग्री यस्तो छैन जुन मानिससँग नहोस् ! “जीवन” नामक यस क्याम्पसमा अरबौ विद्यार्थीहरु भर्ना भये, सेकेन्ड सेकेन्डमा हुँदैछन पनि! मानिस भएर मानिस कै डिग्री चै लिन थोरैले सके !

जुनसुकै पदमा पुगौँ, संसारको जुनसुकै कुनामा जावौं, हाम्रो पहिलो परिचय केवल मानिस हैन र ?

समय सँगै हिंड्नु पर्छ/ चेन्ज हुनुपर्छ भन्थे सबै तर समयको गती सँगै परिवर्तनहरु स्वत: आउँदा रहेछन, कसैले फोर्स गरेर नहुने रैछ ! आफुलाई परिवर्तनको बाहक भन्छ, मानिस! विकासको पर्यायवाची हो, ‘परिवर्तन’ ! परिवर्तनमुखी ब्यक्ती , परिवर्तनमुखी समाज अनी परिवर्तनमुखी राष्ट्र ! सबैखाले विकास परिवर्तनले गर्दा नै सम्भव भएको हो तर सबै परिवर्तनले बिकास नहुदो रहेछ ! म परिवर्तनको बिरोधि हैन तर यस्तो परिवर्तन जस्ले मानिसको आफ्नो प्रिस्ठभुमी नै ओझेल पार्देको छ , मानिसलाइ मानिस हुनबाट बन्चित गरिराखेको छ ! त्यस्तो परिवर्तन अंगाल्नु भन्दा यथास्थिति नै ठीक ! केही कुरा यस्ता हुन्छन जो गतिहिन हुनैका लागि बनाइएका हुन्छन ! तर परिवर्तनका नाममा ति कुराहरु नि बदल्नतिर लागेका छौ हामी ! केही बर्ष अघिका अध्यायहरु पल्टाउनुस् त जीवनका , तपाईंलाई खुशी हुन/रमाउन कुनै कारण चाहिदैनथ्यो तर आज खुशी हुने कारण खोज्दै/सोच्दै आधा समय बित्छ! 

तर म दोसी कुनै मानिसलाई मान्दिन , उ त बिचरा बिवस छ लाचार छ, समयको अगाडि ! समय नै एकमात्र सत्य हो र यो सत्यबाट कोही पनि उम्किन भाग्न सक्दैन किनभने समयले सबैलाई आफ्नो दास बनाएर राखेको छ !

अन्त्यमा शंकर लामिछनेको वाक्याँस यहाँ जोड्न चाहन्छु - " आजको मानिस स्वयम भगवान बनिसक्यो , उसमा ति सब गुण ब्याप्त छन जो एक इश्वरमा हुनुपर्दछ - सिर्फ एक गुण आजको मानिसले हराएको छ , र त्यो हो मानिसको गुण ! त्यो सच्चा मानिस जो सिर्फ छ र मानिस नै भैरहन्छ !”