पोलिटिकल कल्चर !

हार कस्ले चाहन्छ र , जित नै सबैको लक्ष्य हुन्छ चाहे त्यो चुनावी मैदानमा होस् या जीवनका अन्य खेलमा ! तर यदी तपाईंको हारले एउटा सहि पद्धतीको जित हुन्छ भने , सबैले जितेको महसुस गर्छन् भने हार्न तयार हुनुपर्छ ! मैले मेरो अनुभवबाट सिकेको कुरा ! जित्न त धेरैले जित्छन तर यदी त्यो जित सहि बाटो मार्फत प्राप्त छ भने मात्र त्यो दिगो हुन्छ , त्यस्ले उचित परीणाम दिनसक्छ ! शर्टकट बाटो चाडो लक्ष्यमा पुग्दा त्यो दिगो नहुन सक्छ !  त्यस्ताको भविस्य हुँदैन, त्यस्ता चाडै ईतिहास बन्छन ! किनकी पछी त्यही शर्टकट अप्नाएर तपाईंलाई नै मात दिदैनन भनेर भन्न सकिन्न !

विद्यार्थी कालिन जीवनमा हल्का फुल्का राजनीतिको हावाले जो कोहीलाई पनि छुन सक्छ , म पनि अछुतो रहन सकिन ! त्यती बेलाको हाम्रो राजनीतिक सोचमा एकोहोरो पन हुन्थ्यो ! अरु सबै बिचार  गलत , मैले अँगालेको बिचार र सिद्धान्त मात्र राम्रो , मलाई मनपर्ने खाल्का नेताहरु मात्र राम्रा अरु सब नराम्रा भन्ने ! ब्यवहारिक् र ब्यवसायिक पाटोमा प्रवेश गरेपछी  बिगतको हाम्रो एकोहोरो सोचमा परिवर्तन ल्याउन जरुरी ठान्छु म ! अहिले म मा त्यो एकोहोरो प्रवित्ती हावी छैन म गर्वका साथ भन्न सक्छु ! यती भन्दै गर्दा मैले अँगालेको राजिनितिक बिचार  र सिद्धान्त प्रती मेरो उत्तिकै आस्था छ , त्यसबाट म कती पनि बिचलित भएको छुइन ! तर कतिपय साथी दाजु भाईको टिकाटिप्पनि हेर्दा त्यो एकोहोरोपन अझै उस्तै देखिन्छ ! मेरो आसय यती मात्र हो कि कुनै राजनीतिक सिद्धान्त र बिचारले बिकास प्रभावित नहोस् , बिबेक प्रभावित नहोस् , ब्यवसायिकता प्रभावित नहोस्, ब्यवहार् प्रभावित नहोस् ! सबै राजनीतिक सिद्धान्तका आ-आफ्ना राम्रा नराम्रा पक्ष छन ! कुनै दोस्रो बिचारलाई गलत भन्नु भन्दा पहिले आफुले अँगालेको सिद्धान्तका नराम्रा पक्षलाई पनि यि गलत हुन भनेर आत्मसाथ गर्न सक्नुपर्छ ! कुनै पनि सिद्धान्त जतीसुकै राम्रा भये पनि स्थाइ हुँदैनन , समय सापेक्ष मोडिफिकेसन गर्न जरुरी हुन्छ ! हिजो एक्दमै उत्तम भनिएका सिद्धान्त आज काम नलग्ने हुनसक्छ र आज राम्रो ठानिएका भोली नराम्रा प्रुभ हुनसक्छन ! ईतिहासले त्यही देखाएको छ! त्यसैले सहि लाई सहि र गलत लाई गलत भन्ने कल्चर आफुभित्र डेभेलप गर्न नसके सम्म स्थायित्व र  सुशासनको कल्पना नगरे हुन्छ !

चुनावको बेला बिचारहरुको धुर्बिकरण सामान्य हो तर बिचार अभिब्यक्तीको नाउँमा तुच्छ टिका टिप्पणी, सस्तो र क्षणिक् लोकप्रियाताको कथन ले अन्तत आँफैलाई हानी पुर्याउनेछ , सबैले बुझ्न जरुरी छ !  सबै बिचार  र सिद्धान्तका राम्रा र सबल पक्षलाई अगाडि ल्याउन सकियो भने त्यो राष्ट्रका लागि फलदायी हुनेछ, आशा गरौ !

अब हामीले भन्न सक्नु पर्छ जित कुनै नेता को होइन निती को हुनुपर्दछ!

मैले रोजेको बिचारले लक्ष्यमा पुग्न केही समय लाग्ला तर म बिस्वस्त छु, त्यो लङ्लास्टिङ हुन्छ उचित परीणाम त्यस्ले दिन्छ भनेर !